Beth all preswylwyr ei wneud?

I’r rhai ohonom sy’n byw, yn gweithio ac yn treulio gwyliau yn nyffryn Llanberis, mae Llyn Padarn yn nodwedd arwyddocaol yn ein bywydau. Mae bywoliaeth llawer o bobl yn yr ardal wedi’i chysylltu’n agos â lles y llyn.

Mae llawer o agweddau ar sut rydym yn byw ac yn gweithio yn cael effaith uniongyrchol ar iechyd y llyn. Gall newidiadau syml i rai agweddau ar sut rydym yn byw ac yn gweithio wneud gwahaniaeth mawr i Lyn Padarn.

Gallwch garu ein llyn trwy;

Newid i lanedydd peiriant golchi llestri sy’n rhydd o ffosffad

Mae ffosffadau mewn tabledi peiriant golchi llestri yn broblem i Lyn Padarn. Pan fydd ffosffadau yn mynd i mewn i’r dŵr maent yn dod yn faetholion neu’n fwyd i algâu, mae’r algâu yn gwledda ac yn lluosi. Mewn amodau penodol, mae hyn yn arwain at flodau algâu gwenwynig sy’n bygwth bywyd gwyllt ac yn ein hatal ni i gyd rhag mwynhau’r llyn. Mae’r rhan fwyaf o lanedyddion peiriant golchi llestri yn cynnwys o leiaf 30% o ffosffadau; yr unig ffordd y gallwch fod yn siŵr nad oes dim o hyn yn cyrraedd Llyn Padarn yw newid i frand sy’n rhydd o ffosffad.

Gwagio eich tanc septig bob 1-2 flynedd

Pryd wnaethoch chi wagio eich tanc septig ddiwethaf? Mae gwaith monitro wedi dangos bod tanciau septig sy’n gollwng yn ffynhonnell o fewnbwn ffosffad i’r llyn. Mae angen gwagio pob tanc septig yn rheolaidd os ydynt am weithredu’n effeithiol.

Lledaenwch y gair - Weithiau dim ond nodyn atgoffa sydd ei angen ar bobl. Os ydych chi’n cael eich tanc wedi’i wagio, beth am ofyn i’ch cymdogion a oes angen gwneud eu tanc hwy a throsglwyddo manylion eich contractwr.